Artea ikasbide 2012 | Guggenheim Bilbao Museoa
Iragandako erakusketa

Artea ikasbide 2012

2012.06.12 - 2012.08.26

Erakusketa honetan 6 eta 12 urte bitarteko 112 haurren artelanak daude. Haurrok Artea ikasbide hezkuntza-programan esku hartu dute 2011–12 ikasturtean. Programa hori Elssie Ansareo, Naia del Castillo, Ibon Garagarza, Maider López, Manu Muniategiandikoetxea eta Jorge Rubio artistek zuzendu zuten, eta arteaz baliatu ziren Lehen Hezkuntzaren eskola curriculuma indartzeko: artea da hezkuntzarako tresna.

Artistekin eta Museoko hezitzaileekin batera, irakasleek hezkuntzan lortu beharreko helburuak eta gelan landu beharreko gaitasunak zehaztu zituzten, eta helburu horiek lortzeko tailer batzuk taxutu. Programa guztiak ezberdinak dira, hots, talde bakoitzaren beharrak asetzeko diseinatzen dira; horrela sustatzen dira ikasleen interesak eta abileziak.


Arteari eta sortze prozesuari buruz elkarrizketan aritzeak erraztu egiten die haurrei hainbat gai ikuspegi sortzaile eta pertsonal batetik arakatzeko. Programak hainbat arlo eta teknika artistiko erabiltzen ditu,hala nola, argazkilaritza, pintura, eskultura, bideoa, performancea eta mugimendua, besteak beste, eta gainditu egiten ditu curriculuma osatzen duten arloak, partaideak mundua askatasun eta irudimen handiagoaz begiratzera animatzeaz gainera. Errealitatea deskubritzeko, arakatzeko eta ulertzeko tresna bihurtzen da artea, eta, era berean, norberaren adierazpena eta sortzeko askatasuna azpimarratzen dira.

Museoaren XV. Urtemuga ospatzeko, parte hartu duten 6 ikastetxeetako ikasleek artelan oroigarri bat sortu dute, opari moduan. Zorionak, Museoa!! du izena.

Artistak

elssie-ansareo

Ansareo, Elssie

“Arteak ordezko pentsamendu bat sustatzen hasteko balio izan zuen, gaiak era berri batera ikusteko, eta, azkenik, beste ikuspegi batetik jorratzeko”. Elssie Ansareo

Muniategiandikoetxea

Muniategiandikoetxea, Manu

“Proiektuaren funtsezko kontzeptuetako bat izan da ikerketak, eguneroko lanak eta ikasketa lanak bidea egiten dutela pixkanaka, edo, hobeto esanda, bidea direla. Prozesua baita garrantzizkoena. Eta akatsa, etengabeko ikaskuntza prozesu horren...

maider-lopez

López, Maider

“Gure gorputzekin mendien formak eta  gure inguruneko harriak irudikatzen ahalegindu ginen. Paisaia gure gorputzen bitartez esperimentatu genuen, klasearen egunerokotasuna aldatuaz, batzuen eta besteen arteko lankidetza eta koordinazioa eskatzen...

Jorge Rubio

Rubio, Jorge

Irudimena ez da ihesbide soila; motor boteretsua da, sormenaren beraren iturria; adierazpenerako, komunikaziorako, norberaren ezagutzarako eta eraldaketarako daukagun erreminta baliotsuenetakoa; gu guztion parte izan dadin zaindu eta hedatzen...

Ibon Garagarza

Garagarza, Ibon

“Talde guztietan agertzen dira ezusteko auziak; auzi horiek artelanaren prozesua baldintzatzen dute, eta emaitza beti da hobea, nire ustez”.

Partekatu